- ബദ്ധപ്പെട്ടാൽ മീശവരുമോ?
- ബദ്ധപ്പെട്ടാൽ മുലവരുമോ?
- ബന്ധു നൂറുകരയുന്നതിനെക്കാൾ താനൊന്നു കരയുക നല്ലൂ.
- ബന്ധുബലമില്ലെങ്കിൽ ചന്തിബലം വേണം.
- ബന്ധുവിന്റെ മോര് വിലയ്ക്കുമില്ല, വെറുതേയുമില്ല.
- ബസറയിലേക്ക് ഈത്തപ്പഴം കയറ്റല്ലേ.
- ബഹുജനം പലവിധം.
- ബാപ്പ വലവീശാൻ പോയാലുമുണ്ട് ഒരു നുറുക്കും കുറച്ചു ചാറും, ഇരുന്നു കൊണ്ടന്നാലുമുണ്ട് ഒരു നുറുക്കും കുറച്ചു ചാറും.
- ബാല്യം ഭയമറിയില്ല.
- ബാലന്മാർ പോരിന്നാകാ.
- ബാലശാപം കാലുപിടിച്ചാലും പോകില്ല.
- ബാലാനാം രോദനം ബലം.
- ബിംബം നക്കുന്ന നായയ്ക്കുണ്ടോ സ്വയംഭൂവെന്നും പ്രതിഷ്ഠയെന്നും.
- ബിംബം പോയാൽ പ്രതിബിംബം നിൽക്കുമോ.
- ബുദ്ധികെട്ട രാജാവിനു മതികെട്ട മന്ത്രി.
- ബുദ്ധി ഉണ്ടായാൽ പോരാ, ശുദ്ധി വേണം.
- ബുദ്ധിയുള്ളവനോട് പറയേണ്ട, ബുദ്ധിയില്ലാത്തവനോട് പറയരുത്.
- ബ്രഹ്മദേവന് പൂജയില്ല.
- ബ്രഹ്മഹത്യക്കാരന് ഗോഹത്യക്കാരൻ സാക്ഷി.
- ബ്രഹ്മാവ് വിചാരിച്ചാൽ ആയുസ്സിന് പഞ്ഞമോ?
- ബ്രഹ്മാവിന്റെ എഴുത്തിന് പൊളിച്ചെഴുത്തില്ല.
- ബ്രഹ്മാസ്ത്രത്തിന് ബ്രഹ്മാസ്ത്രം.
- ബ്രാഹ്മണനും പശുവിനും പത്തുദിവസത്തെ പുല.
- ബ്രാഹ്മണൻ പശുവിനെ തല്ലുന്നതുപോലെ.
- ബ്രാഹ്മണരിൽ കറുത്തവനെയും പറയരിൽ വെളുത്തവനെയും വിശ്വസിച്ചുകൂടാ.
No comments:
Post a Comment