- ഓങ്ങുന്ന കൈ തലോടുകയും വേണം.
- ഓങ്ങിയിടത്തല്ല കൊണ്ടത്.
- ഓടം പോകുമ്പോൾ ഓലക്കെട്ട് വേറെ പോണോ?
- ഓടം വണ്ടിയിലും വണ്ടി ഓടത്തിലും.
- ഓടക്കുഴലുകൊണ്ട് തീയൂതരുത്.
- ഓടാൻ വയ്യാത്തോൻ ചാടാൻ പോയാലോ?
- ഓടാൻ വിടുകയുമില്ല, പിടിക്കാൻ കൊടുക്കുകയുമില്ല.
- ഓടാമ്പലും സാക്ഷയുംകൂടിയെന്തിന്?
- ഓടി അമ്പതു സമ്പാദിക്കുന്നതിലും ഇരുന്നൊമ്പതു സമ്പാദിക്കുന്നത്.
- ഓടിട്ട വീടില്ലെങ്കിൽ ഓലകെട്ടിയ വഴിയമ്പലം കാണും.
- ഓടിപ്പോകരുത് ആടനടക്കരുത്.
- ഓടിപ്പോയവൻ നായാടി.
- ഓടിയകാലിടറും.
- ഓടിയതിനുമാത്രം കിതയ്ക്കുക.
- ഓടിയത് കുറച്ചു നടന്നാൽ മതിയല്ലോ.
- ഓടിയവനും ഓടിച്ചവനും കിതയ്ക്കും.
- ഓടിയിട്ടും കിഴവിക്ക് പുറകെയോ?
- ഓടിയൊളിച്ച് കുശവനാകുകയോ വീണുചത്ത് ശവമാകുകയോ നല്ലത്?
- ഓടുടയരുത്.
- ഓടുന്ന കാളയെ ആയുന്ന കമ്പേൽ.
- ഓടുന്നതിന്റെ കുട്ടി പറക്കും.
- ഓടുന്നതിന്റെ പുറത്ത് ചാടിക്കയറരുത്.
- ഓടുന്ന തോണിക്കൊരുന്ത്.
- ഓടുന്ന നായയ്ക്ക് ഒരുമുഴം മുൻപ്.
- ഓടുന്ന നായിനെ കൈയിൽപിടിച്ചിട്ട് ഉണ്ണുന്ന വായിൽ മണ്ണിട്ടുകൊള്ളുക.
- ഓടുന്നവനൊരുവഴി തേടുന്നവനൊമ്പതുവഴി.
- ഓടും കൂലീം ഒപ്പം.
- ഓടുംമുൻപേ ആയണം.
- ഓടുരുകിയ മൂശാരിയെപ്പോലെ.
- ഓട്ടക്കലത്തിൽ നിന്ന് എച്ചിൽക്കുഴിയിലേക്ക്.
- ഓട്ടക്കലമുടഞ്ഞാലെന്താ?
- ഓട്ടക്കാരന് ചാട്ടം ചേരില്ല.
- ഓട്ടത്തിലോന്ത് മുൻപൻ.
- ഓട്ടത്തോണിയിലിട്ടൊഴുക്കുക.
- ഓട്ടപ്പം വീട്ടിൽ ചുടും തന്നപ്പം തന്നെച്ചുടും.
- ഓട്ടയുരുളി പണയംവച്ചപോലെ.
- ഓട്ടസഞ്ചിയിൽ പണമിടുക.
- ഓട്ടാളർക്കേ കുത്തിക്കൂടൂ.
- ഓട്ടിലിട്ട എലിയെപ്പോലെ.
- ഓണത്തപ്പാ കുടവയറാ, എന്ന് തീരും തിരുവോണം?
- ഓണത്തിനിടയ്ക്കെന്തു പൂട്ടുകച്ചവടം.
- ഓണത്തിനെക്കാൾ വലിയ മകമുണ്ടോ?
- ഓണത്തേക്കാൾ വലിയ വാവില്ല.
- ഓണമടുത്ത ചാലിയനെപ്പോലെ.
- ഓണമുണ്ട വയറേ ചൂളപാടിക്കെട.
- ഓണം കഴിഞ്ഞാൽ ഓലപ്പുര ഓട്ടപ്പുര.
- ഓണം കേറാമൂല.
- ഓണം പോലെയാണോ തിരുവാതിര.
- ഓണം മുഴക്കോലുപോലെ.
- ഓണം വന്നാലും ഉണ്ണി പിറന്നാലും കോരന് കഞ്ഞി കുമ്പിളിൽ തന്നെ.
- ഓണം വരാനുമൊരു മൂലം വേണം.
- ഓണവും വിഷുവും വരാതെപോട്ടെ.
- ഓതാൻ പോയിട്ട് ഉള്ള പുത്തിയും പോയി.
- ഓതിക്കോൻ പറഞ്ഞതോത്ത്.
- ഓതിക്കോന്റെ പ്രായശ്ചിത്തംപോലെ.
- ഓതിക്കോന്റെ വായിൽനിന്ന് വീഴുന്നതെല്ലാം ഓത്താവില്ല.
- ഓതിയോതി ഒരു മൊല്ലയായി, അതു പിന്നെയൊരു സൊല്ലയായി.
- ഓതിരം താങ്ങണമെങ്കിൽ കടകമോങ്ങണം.
- ഓതുംപിള്ളയ്ക്കോണമില്ല.
- ഓത്തമ്പലങ്ങളിൽ കൂത്ത് പതിവില്ല.
- ഓത്തില്ലാത്ത നമ്പൂരിയും പോത്തില്ലാത്ത നായരും.
- ഓത്തുപിഴച്ചത് കൂത്ത്, കൂത്തുപിഴച്ചതാട്ടം.
- ഓത്തൂട്ടും വാരവുമുണ്ട് നമ്പൂരി നശിച്ചു.
- ഓന്തിന് വേലി സാക്ഷി, വേലിക്ക് ഓന്ത് സാക്ഷി.
- ഓന്തിനെക്കൊന്നാലൊഴക്കു പുണ്യം.
- ഓന്തു കൊട്ടപ്പാല് കുടിച്ചപോലെ.
- ഓന്തു ചോരകുടിക്കുന്നതുപോലെ.
- ഓന്തു നിറംമാറുന്നതുപോല.
- ഓന്തു മൂത്താലുടുമ്പ്, മൂത്താൻ മൂത്താൽ മന്നാടിയാര്.
- ഓന്തോടിയാൽ വേലിക്കലോളം.
- ഓമനപ്പെണ്ണ് പണിക്കാകാ.
- ഓമ്പുംപിള്ള തേമ്പിത്തേമ്പി.
- ഓരാതെപോയതെല്ലാം പൂഴോനും മക്കളും.
- ഓരായത്തിൽ കല്ലിടുക.
- ഓർക്കുമ്പോ സഹിക്കാം, പിന്നെ സഹിക്കാൻമേല.
- ഓർത്തവനൊരാണ്ട്, പാർത്തവന് പന്തീരാണ്ട്.
- ഓലകളയാത്തോൻ നാടുകളയും
- ഓലപ്പാമ്പിനെക്കാട്ടി പേടിപ്പിക്കുക.
- ഓലപ്പുരയ്ക്കും ഓടിൻപുരയ്ക്കും സ്ഥാനമൊന്നുതന്നെ.
- ഓലപ്പുരമേലിരുന്ന് ചൂട്ടുമിന്നരുത്.
- ഓലപ്പുരയുള്ളോന് തീപ്പേടിയുണ്ടാകും.
- ഓലയിൽ വരച്ചത് മായും ഓർമ്മയിൽ വരച്ചത് മായില്ല.
- ഓലേപ്പെട്ടാൽ ശീലപ്പെട്ടു.
- ഓവിലിട്ടുവലിച്ചതുപോലെ.
- ഓവിൽ പകരുന്നത് പാളയിലാകരുതോ.
- ഓളമുള്ളിടത്താഴമില്ല.
- ഓളം കണ്ടതെല്ലാം മീനല്ല.
No comments:
Post a Comment